Հայաստանը Սահմանադրություն չունի. «Սասնա ծռեր»

Այսօր լրանում է 1995 թ. հուլիսի 5-ի սահմանադրական հանրաքվեն կեղծելու եւ մեզ կեղծ սահմանադրություն պարտադրելու 24-րդ տարելիցը: Այս մասին հայտարարություն է տարածել «Սասնա ծռեր» կուսակցությունը:

Հայտարարությունում նաեւ ասվում է.

«Հետագայում այն կեղծվեց եւս երկու անգամ՝ 2005 թ. նոյեմբերի 5-ին եւ 2016 թ. դեկտեմբերի 6-ին: Արդար եւ ճշմարիտ լինելու համար պետք է համարձակություն ունենանք ընդունելու, որ Հայաստանի Հանրապետությունը Սահմանադրություն չունի: Եվ որ դրա պատճառով հայտնվել ենք պետության կայացման իրավաքաղաքական ճգնաժամի մեջ: Ուստի անհրաժեշտ է օր առաջ ստեղծել համապատասխան հանրային հարթակներ ու մեխանիզմներ եւ սկսել Սահմանադրության իրավաքաղաքական հայեցակարգի քննարկումը»: