Թուրքիայում հայկական եկեղեցին կվերածվի թանգարանի

Թուրքական Սվաս (Սեբաստիա) նահանգի Գյուրուն բնակավայրում գտնվող XIX դարի հայկական եկեղեցին, վերականգնումից հետո կգործի որպես թանգարան:

«Գյուրունի քաղաքապետ Նամի Չեֆթչինը հայտարարել է, որ հայկական եկեղեցին կբացվի որպես թանգարան և կնպաստի տարածաշրջանում զբոսաշրջության զարգացմանը»,- հայտնել է Ermenihaber լրատվականը:

Վերակառուցման համար հատկացվել է 3 միլիոն 684 հազար թուրքական լիրա: Աշխատանքներն արդեն մեկնարկել են:

XX դարի սկզբին Գյուրունում (պատմական անունը Կյուրին) բնակվել է մոտ 3000 մարդ: Նրանց կեսից ավելին` 1550-ը, էթնիկ հայեր էին, որոնք ոչնչացվեցին 1915 թվականին: