Անտառապահների աշխատավարձը կբարձրանա

Կառավարության՝ այսօր ընդունած որոշումներից մեկով անտառապետերի և անտառապահների անվանական աշխատավարձերը բարձրանալու են մոտ 20 հազար դրամով։

 Խոսքը վերաբերելու է 19 անտառտնտեսության թվով 99 անտառապետերի ու 512 անտառապահների անվանական աշխատավարձերին։

Շրջակա միջավայրի նախարարի տեղակալ Իրինա Ղափլանյանը տեղեկացրեց, որ անտառապետերի աշխատավարձերը, առանց հարկերի, կազմում է ընդամենը 95 հազար դրամ, իսկ անտառապահներինը՝ 70 հազար դրամ։