Դատախազությունը քրեական գործ չի հարուցի դատավոր Ալվինա Գյուլումյանի վրա հարձակման դեպքի առթիվ

Դատարանների, այդ թվում Սահմանադրական դատարանի մուտքը շրջափակելու դեպքի առթիվ Հատուկ քննչական ծառայությունում նախապատրաստվել են նյութեր, որոնցով որոշում է կայացվել քրեական գործի հարուցումը մերժել, Aysor.am-ի հարցմանն ի պատասխան ասել են  ՀՀ գլխավոր դատախազության լրատվական ծառայությունից։

«Որոշումը բողոքարկվել է վերադաս դատախազին, որի քննարկման արդյունքում 20.06.2019-ին որոշում է կայացվել քրեական գործի հարուցումը մերժելու մասին: Որոշումը բողոքարկվել է դատարան», - ասել են ՀՀ գլխավոր դատախազությունից։

Ուշագրավ է, որ դատավոր Աննա Դանիբեկյանի կողքով քայլելու և ուղիղ եթերում հարցեր տալու համար ՀՀ երկրորդ նախագահ Ռոբերտ Քոչարյանի աջակիցները կալանավորվել են, իսկ ՍԴ դատավոր Ալվինա Գյուլումյանի վրա իշխանության աջակիցների հարձակման դեպքի կապակցությամբ դատախազությունն անգամ քրեական գործի հարուցումն է մերժել: