Նիկոլ Փաշինյանի որոշմամբ Կարեն Սարգսյանը նշանակվել է Ջրային կոմիտեի նախագահ

ՀՀ վարչապետ Նիկոլ Փաշինյանի որոշմամբ Կարեն Սարգսյանը նշանակվել է Ջրային կոմիտեի նախագահ: Տեղեկությունը հայտնում է ՀՀ կառավարության մամուլի ծառայությունը:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Կարեն Սարգսյանին նշանակել ջրային կոմիտեի նախագահ»,- նշված է հաղորդագրության մեջ:

Հիշեցնենք, որ մինչ այս Ջրային կոմիտեի նախագահի պաշտոնն զբաղեցնում էր Վարդան Մելքոնյանը, որը ՀՀ վարչապետի որոշմամբ սույն թվականի հունվարի 9-ին ազատվել էր զբաղեցրած պաշտոնից։

Մելքոնյանն այդ պաշտոնն զբաղեցնում էր 2019 թվականի մարտի 29-ից։