Փաշինյանի շնորհակալական ուղերձը Պուտինին

Հայաստանի վարչապետ Նիկոլ Փաշինյանը Մոսկվայում հանդիպման ընթացքում շնորհակալություն է հայտնել Ռուսաստանի նախագահ Վլադիմիր Պուտինին՝ հայ-ադրբեջանական խաղաղության գործընթացում ցուցաբերած աջակցության համար։

Փաշինյանի խոսքով՝ ինքը մշտապես զգացել է Ռուսաստանի աջակցությունը՝ ուղղված Հայաստանի և Ադրբեջանի միջև խաղաղության հաստատմանը։ Նա ընդգծել է, որ այդ աջակցությունը կարևոր դեր է ունեցել ընթացիկ բանակցային գործընթացում։

Հավելենք՝ հանդիպումը կայացել է Մոսկվայում, որտեղ կողմերը քննարկել են տարածաշրջանային զարգացումները և երկկողմ օրակարգին առնչվող հարցեր։ Հայաստանի վարչապետը վերահաստատել է խաղաղության գործընթացի կարևորությունը և շարունակականության անհրաժեշտությունը։