«Armenia Airways»-ն այս շաբաթ երկու չվերթ կիրականացնի Իրան՝ չորեքշաբթի և ուրբաթ

Այս շաբաթ, մինչև փետրվարի վերջ, «Armenia Airways» ավիաընկերությունը Հայաստանից Իրան երկու չվերթ կիրականացնի՝ չորեքշաբթի, փետրվարի 26-ին, և ուրբաթ, փետրվարի 28-ին:

Ավիաընկերությունը տեղեկացնում է, որ այդ երկու թռիչքով Հայաստանից դեպի Իրան կարող են փոխադրվել Իրանի քաղաքացիները, իսկ Իրանից դեպի Հայաստան՝ Հայաստանի քաղաքացիները և Հայաստանի կացության կարգավիճակ ունեցող քաղաքացիները:

Առաջիկա չվերթների մասին ավիաընկերությունը կտեղեկացնի հաջորդիվ:

Կորոնավիրուսի կանխարգելման նպատակով ՀՀ կառավարությունը երեկ որոշեց երկու շաբաթով դադարեցնել ցամաքային հաղորդակցությունն Իրանի հետ, իսկ օդային հաղորդակցության նկատմամբ կիրառել ոչ ամբողջական սահմանափակումներ: