Արարատի մարզում մեծ շուքով կկազմակերպվի ծիրանի փառատոն
ՀՀ Արարատի մարզում 2020 թվականին մեծ շուքով կնշվի ծիրանի փառատոնը:
«Արմենպրես»-ի հաղորդմամբ՝ այս մասին լրագրողների հետ հանդիպման ժամանակ ասել է ՀՀ Արարատի մարզպետ Գարիկ Սարգսյանը:
«Ծիրանը Հայաստանում առաջինը հասնում է Արմաշի և Սուրենավանի հատվածում, այդ իսկ պատճառով այս տարի նախատեսում ենք մեծ շուքով ծիրանի փառատոն կազմակերպել: Աշնանն էլ կնշենք բերքի տոնը»,- նշել է Արարատի մարզպետը։
Անդրադառնալով մարզի հյուրատների և հյուրանոցների ոլորտին՝ մարզպետը շեշտել է, որ այս պահին մարզում չկան հյուրանոցներ:
«Զբոսաշրջիկները հիմնականում մեր մարզում չեն գիշերում, քանի որ Երևանին շատ մոտ ենք գտնվում, նրանք հանգրվանում են հենց այնտեղի հյուրանոցներում: Մեր մարզում կանգառ են կատարում միայն Խոր Վիրապում և Նորավանքում»,- նկատել է Սարգսյանը։
Նրա խոսքով, այստեղ խնդիր ունեն՝ հավուր պատշաճի զբոսաշրջիկներին ներկայացնելու մարզի տուրիստական գրավչությունը՝ Դվին հնավայրը, Արտաշատ մայրաքաղաքը և այլ պատմական վայրեր։
Գարիկ Սարգսյանը հավաստիացրել է, որ մարզում առկա բոլոր խնդիրներն առաջիկա տարիներին կլուծեն, որ այդ վայրերն ավելի հասանելի լինեն զբոսաշրջիկների համար։
Նմանատիպ հոդվածներ
ՀՐԱՏԱՊ. Հայաստանում գրանցվել է կորոնավիրուսով վարակման առաջին դեպքը. Նիկոլ Փաշինյան
Նոր մանրամասներ՝ «էլիտար» զորամասից․ ՊԲ-ի՝ ծառայողական քննության արդյունքները
Քիչ առաջ խոսեցի Վրաստանի առողջապահության նախարարի հետ․ Արսեն Թորոսյան
Երկու շաբաթով կդադարեցվի Իրան-Հայաստան օդային հաղորդակցությունը ու Մեղրիի անցակետով անձանց մուտքը Հայաստան․ Նիկոլ Փաշինյան
Ավելին Քաղաքականություն բաժնից
ՏԵՍԱՆՅՈւԹ. 2-3 շաբաթ անց Իրանը կհայտնվի քարե դարում. Թրամփի հայտարարությունը
Դեպի թշնամական բլոկ. Օվերչուկը սպառնում է Հայաստանին
Դմիտրիևը կոչով դիմել է ԵՄ-ին և Մեծ Բրիտանիային
