Արտակարգ իրավիճակ Էջմիածին-Արմավիր ճանապարհին

Այսօր, դեկտեմբերի 23-ին, ճանապարհի մերկասառույցի պատճառով մի քանի ավտովթարներ են տեղի ունեցել Արմավիրի մարզում։ Ժամը 08։00-10։00-ն ընկած ժամանակահատվածում Երևան-Արմավիր ավտոճանապարհի մի քանի հատվածներում բախվել են մի քանի ավտոմեքենաներ։ Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, վթարների հետևանքով տուժածներ չկան։ Դեպքի վայրում հավաքված վարորդները նշում էին, որ վթարի պատճառը տեղացած ձյունն է, ու պատկան մարմինները ոչ մի միջոց չեն ձեռնարկել ձյան շերտից մաքրելու ուղղությամբ։