Անկարան պատրաստ է նպաստել Կիևի և Մոսկվայի երկխոսությանը

Թուրքիայի նախագահ Ռեջեփ Թայիփ Էրդողանը, Դոհայում պատասխանելով լրագրողների հարցերին, նշել է, որ Անկարան պատրաստ է նպաստել պաշտոնական Կիևի և Մոսկվայի երկխոսությանը, հաղորդում է «Արմենպրես»-ը։

«Անկարան դեմ է Ուկրաինայի շուրջ իրավիճակի հետագա սրմանը և  հանդես է գալիս տարածաշրջանում կայունության պահպանման օգտին։ Մենք պատրաստ ենք իրագործելի ներդրում ունենալ երկխոսության ուղիների ձևավորման գործում՝ նվազեցնելու լարվածությունը, որը վերջին շաբաթներին առկա է Կիևի և Մոսկվայի միջև։ Թուրքիան, անշուշտ, պատրաստ է անհապաղ քայլեր ձեռնարկել մեր տարածաշրջանում խաղաղություն պահպանելու համար»,- ասել է Թուրքիայի նախագահը։