Իրանի գերագույն առաջնորդի ռազմական խորհրդականը պատերազմի ավարտի պայման է նշել

Իրանը կշարունակի ռազմական գործողությունները մինչև բոլոր տնտեսական պատժամիջոցների լիակատար վերացումը, ըստ «Ֆարս» լրատվական գործակալության՝ հայտարարել է Իսլամական Հանրապետության գերագույն առաջնորդի ռազմական խորհրդական Մոհսեն Ռեզաին։

Ռեզայիի խոսքով՝ Թեհրանը նաև պահանջում է լիակատար փոխհատուցում և միջազգային երաշխիքներ՝ Միացյալ Նահանգների կողմից երկրի ներքին գործերին չմիջամտելու վերաբերյալ։ Նա ընդգծել է, որ դիմակայությունը շարունակելու որոշումը ժողովրդի, գերագույն առաջնորդի և զինված ուժերի կամքն է։

Խորհրդականը նշել է, որ պատերազմը կշարունակվի մինչև պայմանների լիակատար կատարումը։

Հիշեցնենք, որ ԱՄՆ-ի և Իսրայելի ռազմական գործողությունը Իրանի դեմ սկսվել է փետրվարի 28-ին։ Թեհրանը հակահարված է տալիս, և Պարսից ծոցի տարածաշրջանում իրավիճակը մնում է լարված։