Ազովստալից սպիտակ դրոշով ուկրաինացի զինվորականներ են դուրս եկել. բանակցություններ են ընթանում

 Ուկրաինացի 10 զինվորական սպիտակ դրոշով դուրս է եկել Մարիուպոլի Ազովստալ գործարանի տարածքից: Այ մասին ռուսական «60 րոպե» հեռուստահաղորդման ժամանակ հայտնել է «Վոստոկ» գումարտակի հիմնադիր  Ալեքսանդր Խոդակովսկին:

Նա նշել է, որ հիշյալ զինվորակաները հայտնել են, որ ներկայացնում են գործարանի ներսում գտնվող ուկրաինացիների ավելի մեծ խմբի շահեր և բանակցություններ են խնդրում. 

«Այժմ բանակցություններն ընթանում են։ Սա ընդամենը առաջին խումբն էր, որ դուրս եկավ: Ինչպես պարզվեց, խումբը ներկայացնում է մարդկանց մեծ խմբի շահեր, որոնք դեռ շարունակում են գտնվել Ազովստալում», - ասաց «Վոստոկ» գումարտակի հիմնադիրը «60 րոպե» հաղորդման եթերում: