ԵՄ-ն չի վախենում Չինաստանի վերելքից. Բորել

ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հայտարարել է, որ ԵՄ-ն չի վախենում Չինաստանի վերելքից։  Այս մասին նա գրել է իր բլոգում։

Նրա խոսքով՝ ԵՄ-ն չի վախենում Չինաստանի վերելքից, սակայն Եվրոպայում գիտեն, որ վաղվա աշխարհի պատմությունը նույնպես կախված կլինի նրանից, թե Պեկինը ինչպես կօգտագործի իր ուժը։

Բորելը Չինաստանին կոչ է արել պատասխանատվություն ստանձնել խաղաղության և անվտանգության համար՝ ընդգծելով, որ միջազգային հանրությունը պետք է անդրադառնա կորոնավիրուսային համավարակի ազդեցությանը և կլիմայի փոփոխությանը։

Նա պնդում է, որ ՉԺՀ-ի և ԵՄ-ի միջև անհավասարակշռություն է ձևավորվել՝ չնայած երկու կողմերի միջև տնտեսական հարաբերությունների ուժեղությանը: