ՏԵՍԱՆՅՈՒԹ․ Մոսկվայում տեղատարափ անձրևների հետևանքով վնասվել և կոտրվել են տասնյակ մեքենաներ և ծառեր

Մոսկվայի արտակարգ ծառայությունները հայտնել են, որ երեքշաբթի մայրաքաղաքում տեղացած հորդառատ անձրևի և մինչև 20 մ/վրկ արագությամբ քամու հետևանքով մոտ 30 ավտոմեքենա է վնասվել։ 

Նախնական տվյալներով՝ կոտրվել է գրեթե 40 ծառ։ Բարեբախտաբար վատ եղանակի պատճառով զոհեր և վիրավորներ չկան։ 

Տեղատարափ անձրևներից ամենաշատը տուժել է Մոսկվայի կենտրոնը։ Ընդհանուր առմամբ, հեղեղումներ են գրանցվել հիսուն տեղանքում։ 

Մեկ ժամից էլ քիչ ժամանակում մայրաքաղաքում տեղացել է ամսական տեղումների մեկ քառորդից ավելին։