Որքան է Գազայի հատվածում «Համաս»-ի պատանդների թիվը

Գազայի հատվածում «Համաս»-ի պատանդների թիվը հասել է 212 հոգու: Այս մասին հայտնել է Իսրայելի պաշտպանության բանակի խոսնակ Դանիել Հագարին:

«Մենք իրազեկել ենք 212 պատանդների և ՑԱԽԱԼ-ի զոհված 307 մարտիկների ընտանիքներին»,-ասել է նա The Times of Israel-ին։

Պատանդների թիվն անընդհատ աճում է: Հոկտեմբերի19-ին 203 պատանդի մասին էր հաղորդվել, այդ թվում՝ գրեթե 30 երեխա և 10-20 տարեց, երկքաղաքացիներ։

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։