Ռուսաստանից արձագանքել են Զելենսկիի հայտարարությանը

Ռուսաստանի ուղղակի ներդրումների հիմնադրամի ղեկավար, ինչպես նաև արտերկրի հետ ներդրումային ու տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը մեկնաբանել է Ուկրաինայի նախագահ Վլադիմիր Զելենսկու վերջին հայտարարությունը։

Նա արձագանքել է բրիտանական Daily Mail պարբերականի հրապարակմանը, որտեղ ներկայացվել է Զելենսկու տեսակետը ՆԱՏՕ-ից ԱՄՆ հնարավոր դուրս գալու դեպքում Մեծ Բրիտանիայի՝ Եվրամիություն վերադառնալու հարցի վերաբերյալ։

Դմիտրիևը X սոցիալական ցանցում արած գրառմամբ նշել է, որ Զելենսկու հայտարարությունները վերաբերում են Մեծ Բրիտանիայի՝ Եվրամիություն անդամակցելու թեմային։

Միաժամանակ ռուս պաշտոնյան ընդգծել է, որ, իր կարծիքով, Ուկրաինայի նախագահը պետք է առաջնահերթ կենտրոնանա Ուկրաինայում խաղաղության հասնելու գործընթացի վրա՝ դա համարելով ներկայիս իրավիճակում առավել կարևոր ուղղություն։