Գազայի հյուսիսը՝ տարհանման գոտի. Իսրայելը բնակիչներին ժամանակ կտա

Իսրայելի պաշտպանության բանակը հայտարարել է, որ Գազայի բնակիչներին դեպի հարավ տարհանվելու համար ժամանակ կտա: Այս մասին տեղեկանում ենք BBC ռուսական ծառայությունից։

Տեղական ժամանակով ժամը 10:00-14:00-ն (Երևանի ժամանակով՝ 12։00-16։00-ն) տարհանումներ կիրականացվեն Սալահ ադ-Դին ճանապարհի երկայնքով՝ Գազայի հատվածի գլխավոր մայրուղով, որն անցնում է հյուսիսից հարավ:

Նշվում է, որ նմանատիպ ծրագիր մշակվել է այսօր, սակայն բանակը հայտնել է, որ ՀԱՄԱՍ-ի զինյալները հարձակվել են ճանապարհին գործող իսրայելցի զինվորների վրա: Իսրայելի պաշտպանության բանակը ՀԱՄԱՍ-ին մեղադրել է Գազայի հյուսիսից խաղաղ բնակիչների տարհանմանը դեմ հանդես գալու մեջ, որպեսզի շարունակի նրանց որպես կենդանի վահան օգտագործել:

Իսրայելը Գազայի հյուսիսը հռչակել է տարհանման գոտի՝ կոչ անելով բնակիչներին փախչել հարավ, թեև գոտու հարավային հատվածը նույնպես ենթարկվել է ավիահարվածների:

Ամերիկյան տվյալներով՝ ներկայումս հյուսիսում մնում է մոտ 350-400 հազար մարդ։

[f4061a6d5207e1d08b944a32aa99b6f1.jpg]