Պեսկովը` Վրաստանի քաղաքացու մահվան մասին

Կրեմլը տեղեկություն չունի Հարավային Օսիայի հետ սահմանին Վրաստանի քաղաքացու մահվան մասին, հայտարարել է ՌԴ նախագահի մամուլի քարտուղար Դմիտրի Պեսկովը։ Ըստ նրա, որին մեջբերում է ՏԱՍՍ-ը, ինքը որեւէ տեղեկություն չունի այս հարցի վերաբերյալ։ 

«Ոչ, ես տեղեկություն չունեմ այս հարցի վերաբերյալ, որևէ տեղեկություն չկա»,- ասել է Պեսկովը։ 

Նախօրեին Վրաստանի պետական ​​անվտանգության ծառայությունը հայտնել էր, որ Հարավային Օսիայի հետ սահմանակից Գորիի շրջանի Կիրբալի գյուղի մոտ Վրաստանի քաղաքացի է մահացել կալանավորման ժամանակ, ևս մեկը  կալանավորվել է։ Վրաստանի նախագահ Սալոմե Զուրաբիշվիլին անմիջապես կոչ է արել միջազգային հանրությանը դատապարտել Ռուսաստանին։