Արփա գետի կիրճի ժայռերն այսուհետ լուսավորված կլինեն

Ջերմուկի համայնքապետարանն իր ֆեյսբուքյան էջում հայտնել է, որ Ջերմուկ քաղաքի հարակից Արփա գետի կիրճի ժայռերն այսուհետ կունենան ժամանակակից լուսավորության ցանց:

Լուսավորությունն իրականացվել է ՀՀ կառավարության և Ջերմուկի համայնքապետարանի համատեղ սուբվենցիոն ծրագրերով:

Արփա գետը սկիզբ է առնում Սյունիքի բարձրավանդակի լանջերից՝ մոտ 3260 մ բարձրությունից և ձևավորում է խորը կիրճ, որն էլ հենց կոչվում է Արփայի կիրճ: Գետի երկարությունը 128 կմ է: Կիրճի ձախ ափին է գտնվում նշանավոր Գնդեվանքը, որը կառուցվել է 936 թ-ին Սյունյաց Սոփիա իշխանուհու կողմից: