Գագիկ Ոսկանյանի դատավարությունը՝ Բաքվում․ դատախազն ընթերցել է մեղադրական եզրակացությունը

Բաքվում սկսվել է չորս ամիս առաջ Ջերմուկի դիրքերից Ադրբեջանի կողմից գերեվարված Գագիկ Աշոտի Ոսկանյանի դատավարությունը։

Ադրբեջանական լրատվամիջոցների փոխանցմամբ՝ դատախազն ընթերցել է մեղադրական եզրակացությունը:

Նշենք, որ Ոսկանյանը մեղադրվում է օգոստոսի 16-ին «Ադրբեջանի պետական սահմանը խախտելու և ահաբեկչական և դիվերսիոն գործողություններ իրականացնելու փորձի» համար։ Հիշեցնենք, որ այս տարվա օգոստոսին Ադրբեջանի դատախազությունը հայտնել էր ՀՀ պահեստազորային Գագիկ Ոսկանյանի հետ կապված քրեական գործ հարուցելու և նրան կալանավորելու մասին։