Խաղաղությունը կլինի այն ժամանակ, երբ Ռուսաստանը հասնի իր նպատակներին․ Պուտին

Հատուկ ռազմական գործողության սկզբում հայտարարված նպատակները չեն փոխվում։ Այս մասին հայտարարել է ՌԴ նախագահ Վլադիմիր Պուտինը քաղաքացիների հետ ուղիղ կապով հարցուպատասխանի ընթացքում։ 

Նրա խոսքով՝ Ռուսաստանը կշարունակի ձգտել Ուկրաինայի ապաազգայնացմանն ու ապառազմականացմանը՝ չեզոք կարգավիճակի ապահովմամբ։

«Խաղաղությունը կլինի այն ժամանակ, երբ Ռուսաստանի նպատակները կյանքի կոչվեն: Ապաազգայնացման հարցը շարունակում է արդիական մնալ:Ուկրաինական կողմը չի ցանկանում պայմանավորվել, մենք ստիպված ենք այլ միջոցներ ձեռնարկել»,- ընդգծել է նա:

Հարցին, թե ինչ է տեսնում նա որպես գլխավոր նպատակ՝ երկրի ղեկավարի պաշտոնում նոր ժամկետի համար առաջադրվելիս։ Պուտինը պատասխանել է՝ իր գլխավոր խնդիրն է Ռուսաստանի ինքնիշխանության ամրապնդումը։ Ըստ նախագահի՝ Ռուսաստանը չի կարող գոյություն ունենալ առանց ինքնիշխանության։

«Ռուսաստանի պես երկրի համար գոյությունն առանց ինքնիշխանության անհնար է։ Այն պարզապես չի լինի: Ուստի գլխավորը ինքնիշխանության ամրապնդումն է»,- ասել է նա։