ՀԱՄԱՍ-ի անդամները կարող են հանձնվել կամ մեռնել․ Նեթանյահու

Իսրայելի վարչապետ Բենիամին Նեթանյահուն հրադադարի դիմաց Գազայի հատվածից պատանդներին ազատելու առաջիկա նոր համաձայնագրի շուրջ մամուլում քննարկումների ֆոնին ասել է, որ Իսրայելը կշարունակի պատերազմը ՀԱՄԱՍ-ի հետ մինչև հաղթանակ, իսկ պաղեստինյան շարժման անդամները միայն մեկ ընտրություն ունեն՝ «հանձնվել կամ մեռնել»:

«Մենք կռվում ենք մինչև հաղթանակ: Մենք չենք դադարեցնի պատերազմը, մինչև չհասնենք դրա բոլոր նպատակներին՝ ՀԱՄԱՍ-ի լիակատար վերացում և մեր բոլոր պատանդների ազատ արձակում: Ընտրությունը, որը ես առաջարկում եմ ՀԱՄԱՍ-ին, շատ պարզ է՝ հանձնվել կամ մեռնել: Եվ ՀԱՄԱՍ-ին վերացնելուց հետո ես կաշխատեմ որքան կարող եմ, որպեսզի Գազան այլևս որևէ վտանգ չներկայացնի Իսրայելի համար»,- ասել է վարչապետը ժողովրդին ուղղված կարճ ուղերձում: