Ռուսերեն դասագրքերի փորձաքննությունն ավարտվել է, դրանք բաշխվել են ՀՀ դպրոցներին. նախարար

ՀՀ հանրակրթական դպրոցներին տրամադրվելիք ռուսերեն դասագրքերի փորձաքննությունն ավարտվել է, գրքերը բաշխվել են դպրոցներին։ Այս մասին տարեվերջյան ասուլիսում ասաց ԿԳՄՍ նախարար Ժաննա Անդրեասյանը` պատասխանելով Sputnik Արմենիայի թղթակցի հարցին։

«Փորձաքննությունն ունի շատ պարզ նպատակ. դպրոցներ մուտք գործող ցանկացած նյութ պետք է փորձաքննված լինի և դա ստանդարտ ընթացակարգ է»,–ասել է նա։

Նա ընդգծել է, որ քանի որ այս տարվանից նոր չափորոշիչ է ներդրվել ՀՀ դպրոցներում, այն դասագրքերը, որոնք ուղարկված էին ՌԴ–ից , պետք էր հասկանալ` արդյոք թեմաներով համապատասխանում են այդ չափորոշչին։