Ավելի քան 250 ինքնասպանության փորձ կատարած արտաշատցի Խաժակը կրկին սպառնում էր կամրջից ցած նետվել

Այսօր՝ հունիսի 11-ին, հերթական անգամ Արարատի մարզի բնակիչ Խաժակ Հայրապետյանի կողմից ինքնասպանության փորձ է տեղի ունեցել Երևանում։

Ինչպես հայտնում է Shamshyan.com-ը, ժամը 13։30-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ մի տղամարդ անցել է «Հաղթանակ» կամրջի վտանգավոր եզրագիծը և սպառնում է ցած նետվել։

Դեպքի վայր են ժամանել ՀՀ ՆԳՆ փրկարար ծառայության Երևանի թիվ 1-ին հրշեջ փրկարարական ջոկատից՝ 1 մարտական հաշվարկ։

Ժամանել են նաև փրկարար հոգեբանն ու Երևանի 1-03 շտապօգնության բժիշկների հերթապահ խումբը։

Ահազանգով ժամանել են նաև ոստիկանության Կենտրոնական բաժնի հերթապահ խումբն ու ՀՀ ՆԳՆ ոստիկանության Պարեկային ծառայության Երևան քաղաքի գնդի 2-րդ գումարտակի պարեկները։

Կայքի տեղեկություններով՝ ինքնասպանության փորձ կատարողը թե Երևանում, թե Արտաշատում 250-ից ավելի անգամներ ինքնասպանության փորձեր է կատարել։

Մանրամասները՝ սկզբնաղբյուր կայքում։