ՏԵՍԱՆՅՈՒԹ. Վանաձոր քաղաքում տեղատարափ անձրև է և փոթորիկ

Վանաձոր քաղաքում այս պահին տեղատարափ անձրև է, ուժեղ քամի, կարելի է ասել՝ փոթորիկ։Հայտնում է «Փաստինֆո»-ն: Վանաձորի Թատերական հրապարակում ուժեղ քամին արմատախիլ է արել անգամ պատկառելի տարիք ունեցող եղևնիները։

«Այս պահին Վանաձորի Դիմաց և Տավրոս թաղամասերը հոսանքազղրկված են, անջատված է գազամատակարարումը՝ Դեմիրճյան փողոցում», - ասել է լրատվականի  գործընկերը՝ նշելով, որ անվտանգությունից ելնելով, անգամ չի կարողացել նկարահանել , քանի որ վտանգավոր էր։ Տեղատարափ անձրեւը սելավ է առաջացրել փողոցներում եւ անգամ մեքենա վարելը վտանգավոր է։