Զանգվածային ծեծկռտուք, կրակոցներ. կան տասնյակ ձերբակալվածներ. Կրասնոդար

Կուբանում զանգվածային ծեծկռտուքից հետո 43 մարդ է բերման ենթարկվել:

Հարուցվել է քրեական գործ «խուլիգանություն, որը կատարվել է մի խումբ անձանց կողմից նախնական համաձայնությամբ» հոդվածով, ասվում է ՆԳՆ հաղորդագրության մեջ:

Հիշեցնենք, որ երեկ գիշերը ՌԴ Կրասնոդարի մարզում զանգվածային ծեծկռտուք է տեղի ունեցել կովկասցիների և տեղացիների միջև: Այս մասին գրում են ռուսական թելեգրամյան ալիքները, որոնք հրապարակել են նաև ծեծկռտուքից կադրեր:

Նշվում է, որ միջադեպի ժամանակ նաև կրակոց է հնչել: Տեղաբնակների շրջանում կոնֆլիկտի մի քանի վարկածներ են շրջանառվում, համաձայն որոնց՝ ծեծկռտուքը կարող էր սկսվել, ի թիվս այլ բաների, նաև նախօրեին տեղացի մի տղամարդու ծեծի ենթարկելու պատճառով: