Նա միակ ԱՄՆ նախագահն է, որը պատերազմներ չի սկսել․ Ալիևը Թրամփի մասին

Դոնալդ Թրամփը հրապարակել է Ադրբեջանի նախագահ Իլհամ Ալիևի ելույթը։

Ըստ APA-ի, ԱՄՆ առաջնորդը հրապարակումը տարածել է Truth Social սոցիալական ցանցի իր պաշտոնական էջում։

Հրապարակումը պարունակում է տեսանյութ, որը արտացոլում է նախագահ Իլհամ Ալիևի հայտարարությունները Դոնալդ Թրամփի մասին։

Ադրբեջանի նախագահը ֆորումում ասել է.

«Ես չէի կանխատեսել Թրամփի հաղթանակը։ Ես պարզապես ասացի, որ հաշվի առնելով նրա նվիրվածությունը նույն հիմնարար արժեքներին, ինչ մերը, այդ թվում՝ ընտանեկան արժեքներին, նրա հաղթանակն ավելի նախընտրելի կլիներ Ադրբեջանի ժողովրդի համար։ Նա միակ ԱՄՆ նախագահն է, որը պատերազմներ չի սկսել։ Եվ նաև պարզ է, որ իր պաշտոնավարման կարճ ժամանակահատվածում նա ձգտել է վերջ դնել արդեն իսկ գոյություն ունեցող հակամարտություններին։

Մենք նաև խորապես շնորհակալ ենք նրան Ադրբեջանի և Հայաստանի միջև վերջնական համաձայնության հասնելուն նպաստելու իր ջանքերի համար։ Չնայած նա զբաղվում էր միջազգային անվտանգության ավելի գլոբալ հարցերով, նա դեռևս ուշադրության կենտրոնում էր պահում Հարավային Կովկասի իրավիճակը։ Իհարկե, նրա հաղթանակը մեզ՝ Ադրբեջանում, ուրախացնում է մի շարք պատճառներով։ Բնականաբար, մենք ուզում ենք, որ նա ավարտի իր աշխատանքը և ամբողջությամբ չորացնի «Վաշինգտոնի ճահիճը»։