Սերգեյ Լավրովը կմասնկացի Պուտին-Թրամփ հանդիպմանը

Ռուսաստանի արտաքին գործերի նախարար Սերգեյ Լավրովը կմեկնի Ալյասկա՝ օգոստոսի 15-ին կայանալիք Ռուսաստան-ԱՄՆ գագաթնաժողովին մասնակցելու համար։

«Այո, կարող եմ հաստատել Սերգեյ Լավրովի մասնակցությունը այս միջոցառմանը, որը նախատեսվում է անցկացնել հաջորդ ուրբաթ Ալյասկայում», - ճեպազրույցի ժամանակ ասել է Ռուսաստանի արտաքին գործերի նախարարության տեղեկատվության և մամուլի դեպարտամենտի փոխտնօրեն Ալեքսեյ Ֆադեևը։

Նախագահներ Վլադիմիր Պուտինը և Դոնալդ Թրամփը բանակցություններ կանցկացնեն Ալյասկայի Անքորիջ քաղաքում գտնվող Էլմենդորֆ-Ռիչարդսոնի ռազմաօդային և բանակային բազայում, հաղորդել էր CNN-ը՝ հղում անելով աղբյուրներին: Ռուսական կողմը հայտնել է, որ բանակցությունների հիմնական թեման Ուկրաինայի հակամարտությունն է եղել:

Հիշեցնենք՝ օգոստոսի 15-ին բանակցությունների նպատակով Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը  հանդիպելու են Ալյասկայում: