Թրամփը կոչով դիմել է Բրիտանիայի իշխանություններին

ԱՄՆ նախագահ Դոնալդ Թրամփը հայտարարել է, որ Մեծ Բրիտանիան պետք է օրինակ վերցնի Ամերիկայի Միացյալ Նահանգներից և իր զինվորականներին ներգրավի սահմանը պաշտպանելու գործում:

Նրա խոսքով՝ Միացյալ Թագավորությունը ունի լրացուցիչ առավելություն, քանի որ շրջապատված է ծովերով։

Հարցին, թե արդյոք Լոնդոնը պետք է կիրառի այնպիսի մեթոդներ, ինչպիսիք օգտագործում են ԱՄՆ-ում նախագահը պատասխանել է «խնդիրը նույնն է, և լրացուցիչ ռեսուրսների՝ այդ թվում զինվորականների ներգրավումը, կարող է ուժեղացնել սահմանային պաշտպանությունը»։

Հարցազրույցում ԱՄՆ նախագահը կրկին ընդգծել է, որ սահմանային անվտանգությունը պետք է լինի պետությունների առաջնահերթություններից մեկը՝ անկախ աշխարհագրական պայմաններից։