«Մկան և առյուծի» խաղը․ բացահայտվել է Օրբանի և Պուտինի գաղտնի գործարքը․ Politico

Մոսկվայի հետ գաղտնի գործարքը ի հայտ է եկել ընտրություններից առաջ։ Հունգարիան և Ռուսաստանը դեռևս դեկտեմբերին ստորագրել են 12 կետից բաղկացած համագործակցության ծրագիր, որը երկար ժամանակ հրապարակային չի եղել։ Փաստաթուղթը համաձայնեցվել է Հունգարիայի ԱԳ նախարար Պետեր Սիյարտոյի և Ռուսաստանի ԱԳ նախարար Սերգեյ Լավրովի միջև, փոխանցում է Politico-ն։ 

Համաձայնագիրը ներառում է մի շարք ոլորտներ՝ էներգետիկա, առևտուր, կրթություն և մշակույթ։ Քննարկվել է նաև ռուսական ընկերությունների մասնակցությունը Հունգարիայի ներսում իրականացվող նախագծերին, ինչպես նաև Եվրամիության սահմանափակումների հետևանքով նվազած երկկողմ առևտրի վերականգնման հարցը։

Նշվում է, որ Բուդապեշտը պատրաստակամություն է հայտնել ընդլայնել ռուսերեն լեզվի ուսուցումը, ճանաչել դիպլոմները և զարգացնել կրթական ու մշակութային փոխանակման ծրագրերը։ Այս քայլերը դիտարկվում են որպես մշակութային համագործակցության խորացման ուղղություն։

Տեղեկությունը հրապարակվել է ընտրություններից մի քանի օր առաջ, երբ երկրի վարչապետ Վիկտոր Օրբանը կանգնած է քաղաքական լուրջ մրցակցության առաջ։ 

Ավելի վաղ Հունգարիայի վարչապետ Վիկտոր Օրբանն իրեն անվանել Է Կրեմլի «մուկ», իսկ Պուտինին «առյուծ» և խոստացել է ամեն ինչ անել Ռուսաստանին օգնելու համար։