Հյուսիսային ծովում հարյուրավոր կանայք ու տղամարդիկ են մերկ լողացել․ մանրամասներ

Հյուսիսային ծովում մոտ 700  բրիտանացի կանայք և տղամարդիկ են լողացել` հաջակցություն հոգեկան առողջության պահպանման Mind կոչվող բարեգործական հիմնադրամի, գրում է Daily Mirror-ը:

Բարեգործական ակցիան տեղի է ունեցել սեպտեմբերի 22-ին` աշնան գիշերահավասարի նախօրեին:  Ակցիայի մասնակիցներին խորոված են հյուրասիրել:

Ծովում լողացել են նույնիսկ անվասայլակով տեղաշարժվող անձինք:

Ակցիայի մասնակիցներից 41-ամյա մի կին էլ ասել է. «Մենք ռիսկի դիմեցինք, միաձուլվեցինք բնությանը, ուրախացանք և ցույց տվեցինք մեր մարմինների եզակիությունը»:

Ավելի վաղ հայտնի է դարձել, որ Իռլանդիայում 1800 մերկ կին մասնակցել է կրծքագեղձի քաղցկեղի խնդրի բարձրաձայնման նպատակով անցկացվող Strip and Dip կոչվող բարեգործական ակցիային: