Վարդաքար գյուղի տներից մեկի տանիքում հրդեհ է բռնկվել. օգնության են հասել փրկարարները

Նոյեմբերի 18-ին, ժամը 14:13-ին «911» ծառայություն ահազանգ է ստացվել, որ հրդեհ է բռնկվել Շիրակի մարզի Վարդաքար գյուղի տներից մեկի տանիքում:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է Նոր Կյանք գյուղի 1-ին փողոցի տներից մեկի տանիքում (սեփականատեր՝ Արարատ Ս.): 

Հրդեհը մեկուսացվել է ժամը 14:40-ին, մարվել՝ 15:38-ին:

Այրվել են տան տանիքի և ծածկի փայտյա կառուցատարրերը (մոտ 30 քմ):