Ինչն էր «Դոլմամա» ռեստորանի հրդեհի պատճառը. Ցոլակյանը մանրամասնում է

Պատճառը չեմ կարող ասել, տուժածներ չկան։

Այս մասին այսօր, լրագրողների հետ զրույցում ասաց ԱԻՆ նախարար Ֆելիքս Ցոլակյանը՝ խոսելով «Դոլմամա» ռեստորանի հրդեհի մասին։

«Վտանգ միայն հրշեջների համար կա, նրանք են բարդ գործ անում, մարտական մեքենանների թիվը չի ավելանա։ Ջրի հարց չունենք, քանի որ այստեղ հիդրատներ կան։ Ինչ վերաբերվում է կրակի մեկուսացման հրահանգին, ապա դա օպերատիվ շտաբի պետը կտա, ով այս պահին աշխատում է»,-ասաց նախարարը։

Հարցին, արդյոք հրդեհի նախնական վարկած կա, Ցոլակյանը պատասխանեց.

«Միակ բանը որ գիտեմ, այն է, որ երկրորդ հարկում վերանորոգման աշխատանքներ են իրականացրել։ Նման բան եմ լսել, բայց որքանով է հավաստի՝ չգիտեմ»։

Ցոլակյանը նշեց, որ հրշեջները արագ հասել են դեպքի վայր և կարողացել են լոկալացնել։