Մոսկվայի կենտրոնում հայտնաբերվել է ՀՀ քաղաքացու դի

Մոսկվայի Պրեսնենսկի շրջանում՝ Շմիտովսկու անցուղու վրա, հայտնաբերվել է ցանկապատի վրա կախված տղամարդու դի:

Москва քաղաքային լուրերի գործակալությունը, վկայակոչելով իրավապահ մարմիններում գտնվող աղբյուրին, հայտնում է, որ դեպքը տեղի է ունեցել մայիսի 28-ի գիշերը: Տղամարդու ինքնությունը հաստատվել է. նա 66-ամյա ՀՀ քաղաքացի է, որի մարմնի վրա հայտնաբերվել են կտրվածքների և ներարկումների հետքեր, ինչպես նաև որովայնի շրջանում՝ կտրած-ծակած վերքեր:

Մահացածի մոտ հայտնաբերվել են բանկային քարտեր և աշխատանքի անցագիր: Նախնական տվյալներով, տղամարդուն խեղդամահ են արել: Դին ուղարկվել է դիահերձարան: Քննիչները աշխատում են պարզել տեղի ունեցածի մանրամասները: