ՏԵՍԱՆՅՈՒԹ. Շահրամանյան. Իրենց գործողությունների շնորհիվ են արցախցիները հայտնվել նման իրավիճակում

«Կոչ եմ անում մեր հասարակությանը, մեր զոհված նվիրյալների հարազատներին չտրվել նման սադրանքներին, որովհետև նման խոսույթները ունեն մեկ նպատակ՝ պառակտել և սերմանել մեր հասարակության մեջ անհանդուրժողականություն, որը գլոբալ մեծ ծրագրի մի մասն է կազմում»,- «Եռաբլուր»-ում լրագրողների հետ զրույցում ասաց Սամվել Շահրամնյանը՝ արձագանքելով վարչապետ Նիկոլ Փաշինյանի հայտարարություններին:

«Փախան, ճողոպրեցին, եթե դա վերաբերում է 2020-ի պատերազմին, ուզում եմ նման խոսույթ տարածող անձանց  հիշեցնել, որ իրենք են եղել քաղաքական և դիվանագիտական առաջնագծում, հենց իրենց գործողությունների շնորհիվ է, որ այսօր  արցախցիները հայտնվել են նման իրավիճակում, հայ ժողովուրդը կորցրել է Արցախը, օկուպացված է Հայաստանի զգալի տարածքներ, այսօր Ադրբեջանը ներկայացնում է  պահանջներ, որոնք Հայաստանի իշխանությունները ստիպված կատարում են»,- ասաց Շահրամանյանը։