Որևէ պարագայում ես չեմ լինելու Հայաստանում ղեկավար պաշտոնի. Սերժ Սարգսյան

Ես մեծ քաղաքականությունից երբեք չեմ հեռացել, վերջին 30 տարվա ընթացքում եղել եմ մեծ քաղաքակնության մեջ, «Արմնյուզ» հեռուստաընկերությանը տված հարցազրույցում ասել է ՀՀ երրորդ նախագահ Սերժ Սարգսյանը:

«Ես համարում եմ, որ ավարտել եմ իմ ծառայությունը պետական համակարգի բարձր պաշտոններում: Ավարտել եմ, իհարկե, շատերը պետք է ասեն, բա 2015 թվականին էլ ասացիր, որ վարչապետ չես լինելու, դա այլ խոսակցության, այլ հարցազույցի թեմա է, բայց ես ասում եմ այն, ինչ կա և որևէ պարագայում ես չեմ լինելու Հայաստանում ղեկավար պաշտոնի», - նշել է նա:

«Ես կարող եմ լինել ցանկացած պաշտոնյայի խորհրդատու, խորհդական, բայց ոչ ավելին, իմ ասածը չի նշանակում, որ ես ակտիվ քաղաքականությունից պատրաստվում եմ հեռանալ, իմ ասածը չի նշանակում, որ ՀՀԿ-ն քաղաքական դաշտում կորցնելու է իր ազդեցությունը: Ես էլ եմ լինելու ակտիվ, ՀՀԿ-ն էլ է լինելու էլ ավելի ակտիվ, և եթե առանց կապիտուլյանտի ընտրություններ լինեն՝ մենք ակտիվորեն մասնակցելու ենք», - ասել է Սերժ Սարգսյանը:

Երրորդ նախագահը կարծում է, որ իշխանության որոշումը՝ հրաժարվել արտահերթ ըտնրությունների գաղափարից՝ վերջնական չէ:

«Իհարկե վերջնական որոշում չէ, եթե մարդը կարող է կեղծել մի ամբողջ պատերազմ, ինչ արժե սուտ ասել, կամ էլ կեղծել ընտրություններ: Ընտրությունները ավելի կարևոր չեն, քան պատերազմը», - նշել է Սարգսյանը: