Խերսոնի մարզը կորցրել է Գենիչեսկի շրջանի նկատմամբ վերահսկողությունը

Խերսոնի մարզը հայտնել է Գենիչեսկի շրջանի նկատմամբ վերահսկողությունը կորցնելու մասին: Այս մասին գրում է ТАССը՝ հղում տալով մարզային վարչության ֆեյսբուքյան գրառմանը:

«Գենիչեսկի շրջան. բոլոր պետական ​​կառույցներն անցել են զավթիչների վերահսկողության տակ. տեխնիկան գտնվում է հենց Գենիչեսկ քաղաքում՝ անցակետերի մոտակայքում»,- նշվում է հաղորդագրությունում:

Իշխանությունները նշել են, որ այդ տեղեկությունը մարզի ղեկավարությունից ստացվել է հեռախոսային ռեժիմով:

Ավելի վաղ հայտնել էինք, որ այսօր վաղ առավոտյան ՌԴ նախագահ Վլադիմիր Պուտինը հայտարարել է Ուկրաինայում հատուկ ռազմական գործողություն սկսելու մասին: