Շոյգուն Ստամբուլում է. ստորագրվելու է հացահատիկի համաձայնագիրը

ՌԴ պաշտպանության նախարար Սերգեյ Շոյգուն մեկնել է Ստամբուլ՝ ստորագրելու հացահատիկի համաձայնագիրը։ 

Ինչպես հայտնի է՝ Ռուսաստանը և Ուկրաինան Թուրքիայի և ՄԱԿ-ի միջնորդությամբ պայմանավորվել են վերսկսել ռուսական նավերի կողմից շրջափակված ուկրաինական նավահանգիստներից հացահատիկի արտահանումը: 

Համաձայնագրի ստորագրման արարողությունը տեղի կունենա Ստամբուլի Դոլմաբահչե պալատում՝ Թուրքիայի նախագահի աշխատասենյակում: 

Դրան կմասնակցեն Թուրքիայի նախագահ Ռեջեփ Թայիփ Էրդողանը և ՄԱԿ-ի գլխավոր քարտուղար Անտոնիո Գուտերիշը։