Թբիլիսիում ցանկանում են ավելացնել հասարակական տրանսպորտի երթևեկելի գոտիները

Թբիլիսիի քաղաքապետարանը ցանկանում է քաղաքում հասարակական տրանսպորտի համար ավելի շատ գոտիներ առանձնացնել։

Քաղաքապետ Կախա Կալաձեի խոսքով՝ այժմ ավտոբուսի գոտիներ կան միայն որոշ փողոցներում, իսկ երբ այն ավարտվում է, հասարակական տրանսպորտը այլ մեքենաների հետ խցանման մեջ է հայտնվում։

«Մենք ցանկանում ենք ավելի շատ երթևեկելի գոտիներ ստեղծել հասարակական տրանսպորտի համար, որպեսզի այն կարողանա շարժվել ազատ, առանց խնդիրների և առանց ուշացումների»,- ասել է Թբիլիսիի քաղաքապետը։

Միևնույն ժամանակ, Կալաձեն նշել է, որ դա անհնար է արագ անել, քանի որ նույնիսկ երկու փողոցների միաժամանակյա փակումը մեծ անհարմարություններ է ստեղծում մայրաքաղաքի բնակիչների համար։