Հռոմի պապը հաստատել է միասեռ զույգերին օրհնելու հնարավորությունը

Հռոմի Ֆրանցիսկոս պապը պաշտոնապես հաստատել է կաթոլիկ քահանաների՝ միասեռ զույգերին օրհնելու հնարավորությունը։ Այս մասին ասվում է Վատիկանի նոր փաստաթղթում։

Նրանում նշվում է, որ Աստծո սերն ու ողորմությունը փնտրող մարդիկ չպետք է ենթարկվեն «սպառիչ բարոյական վերլուծության»:

Նշենք, որ մի քանի տարի առաջ Վատիկանը հայտարարել էր, որ միասեռական զույգերին օրհնելը կաթոլիկության մեջ անհնար է։ Այնուամենայնիվ, եկեղեցին այժմ ընդլայնել է «օրհնություն» տերմինը և ասել, որ այն չպետք է մերժի միասեռ զույգերին: