«Գորշ գայլեր»-ի ճնշումների ներքո Գերմանիայում կապամոնտաժվի Հայոց ցեղասպանության հուշահամալիրը․ Welt

Գերմանիայի Քյոլն քաղաքի քաղաքապետ Հենրիետ Ռեքերը թուրքական ծայրահեղական «Գորշ գայլեր» կազմակերպության ճնշումների ներքո որոշել է ապամոնտաժել Հայոց ցեղասպանության հուշահամալիրը։ Այս մասին հայտնում է գերմանական Welt հեռուստաալիքը։

Հաղորդվում է, որ մի քանի տարի անց հայկական հուշահամալիրի տեղում կկանգնեցվի «Ընդդեմ ռասիզմի և հանուն մարդու իրավունքների» հուշարձան։

«Ծայրահեղականները, որոնք ավելի հայտնի են որպես «Գորշ գայլեր», միշտ ակտիվ են եղել ցեղասպանությունը ժխտողների Քյոլնի մեծ նախաձեռնության մեջ: Հիմա նրանք հասել են իրենց նպատակին՝ ցեղասպանությունը չի հիշվի, եթե այն իրականացվել է թուրքերի կողմից»,- գրել է Welt-ը։

Հեռուստաալիքը նշել է նաև, որ քաղաքի հայ համայնքը մեկ տարուց ավելի պայքարում էր նման որոշման դեմ։