ՌԴ ԱԳՆ՝ միասեռ զույգերին օրհնելու Վատիկանի որոշման մասին

Միասեռ զույգերին օրհնելու Վատիկանի որոշումը նրա ներքին եկեղեցական խնդիրն է։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցում, փոխանցում է «ՌԻԱ Նովոստի»-ն։

«Ես կարծում եմ, որ սա Վատիկանի ներքին եկեղեցական խնդիրն է, և հավանաբար անհրաժեշտ է հարցեր տալ այնտեղ», – ասել է Զախարովան և հավելել, որ կաթոլիկ վարդապետության հիմքը փոփոխության չի ենթարկվել։

Ռուս դիվանագետը նշել է, որ հույս ունի, որ  քահանաներին միասեռ զույգերին օրհնելու թույլտվությունը չի ​​ազդի ռուս-վատիկանյան փոխգործակցության վրա:

«Ռուսաստանի դիրքորոշումն այս հարցում, որը ամրագրված է նախագահ Վլադիմիր Պուտինի՝ ավանդական հոգևոր և բարոյական արժեքների պահպանման մասին հրամանագրում, տարբերվում է Վատիկանի դիրքորոշումից»,- պարզաբանել է Զախարովան։

Հիշեցնենք, որ Վատիկանը օրեր առաջ պաշտոնապես թույլատրել է օրհնել նույնասեռական զույգերին: