ՏԵՍԱՆՅՈՒԹ․ Առևտրի կենտրոնի գնդակոծությունից հետո ուժգին հրդեհ է բռնկվել․ԴԺՀ

Դոնեցկի Ժողովրդական Հանրապետության (ԴԺՀ) Գորլովկա քաղաքում ուժգին հրդեհ է բռնկվել տեղի «Գալակտիկա» առևտրի կենտրոնի գնդակոծությունից հետո։ Այս մասին հայտնում է ՏԱՍՍ-ի թղթակիցը։

Այրվող շենքը երևում է քաղաքի տարբեր հատվածներից։ Հրդեհը ընդգրկել է ընդարձակ տարածք։

Գիշերը Գորլովկայի վարչակազմի ղեկավար Իվան Պրիխոդկոն հայտնել էր, որ Ուկրաինայի զինված ուժերը հարձակվել են Գորլովկայի «Գալակտիկա» առևտրի կենտրոնի վրա։ Քաղաքային վարչությունում ՏԱՍՍ-ին հայտնել են, որ տուժել է առեւտրի կենտրոնի աշխատակիցը։

Ավելի ուշ իշխանությունները հայտնել են, որ հարձակման հետևանքով չորս մարդ վիրավորվել է: Ձերժինսկ բնակավայրի տարածքում ուկրաինական զորքերի դիրքերից կրակն իրականացվել է թնդանոթային հրետանուց, այդ թվում՝ կասետային զինամթերքից։