ՏԵՍԱՆՅՈՒԹ. Հունաստանի ռազմաօդային ուժերի ուսումնական ինքնաթիռ է կործանվել

Հունաստանի ռազմաօդային ուժերի T-2 Buckeye ուսումնական ինքնաթիռը կործանվել է Պելոպոնեսի հարավում գտնվող Կալամատայի օդանավակայանի մոտ, օդաչուի ճակատագիրը դեռևս անհայտ է, հաղորդում է Հունաստանի հանրային ERT հեռուստաընկերությունը։

«Օդային ուժերի ուսումնական ինքնաթիռի վթարը տեղի է ունեցել Կալամատա օդանավակայանի հյուսիսային դարպասի մոտ՝ առավոտյան ժամը 11:00-ին: Դա 120-րդ ուսումնական թևի երկտեղանի T-2 ինքնաթիռ էր»,- հաղորդում է հեռուստաալիքը:

Նրա խոսքով՝ վթարին նախորդել է պայթյուն։ Հաղորդվում է, որ ինքնաթիռում եղել է մեկ սպա, նրա ճակատագիրն անհայտ է, և տեղեկություններ չկան, որ որևէ մեկը պարաշյուտով լքել է ինքնաթիռը։ Այժմ օդաչուի որոնողական աշխատանքները շարունակվում են։