Վարշավայում ջրի պաշարներ եւ էլեկտրագեներատորներ են կուտակում

Վարշավան ապաստարաններում ջրի պաշարներ և էլեկտրագեներատորներ է պատրաստում: Այս մասին լրագրողներին հայտնել է Լեհաստանի մայրաքաղաքի քաղաքապետ Ռաֆալ Տշասկովսկին:

«Վարշավան պաշտպանում է» ծրագրի շրջանակներում մենք ստուգում ենք կրիտիկական ենթակառուցվածքները, երեկ տեղի են ունեցել բոլոր քաղաքային ծառայությունների վարժանքները ջրագծի ձեռնարկությունում, որպեսզի մենք պատրաստ լինենք։ Մենք պատրաստում ենք ջրի պաշարներ, պատրաստում ենք պահեստներ, որպեսզի այնտեղ պահենք լրացուցիչ սարքավորումներ, օրինակ՝ գեներատորներ։ Մենք պետք է պատրաստ լինենք ցանկացած իրավիճակի», - ասել է Տշասկովսկին։