Ամպրոպ, քամու ուժգնացում. եղանակը ՀՀ-ում

Այսօր և վաղը Հայաստանի առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Այս մասին հայտնում է Հիդրոօդերևութաբանության և մոնիտորինգի կենտրոնը։

Ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

«Օդի ջերմաստիճանը հունիսի 29-30-ին աստիճանաբար կնվազի 3-5 աստիճանով»,– ասված է հաղորդագրությունում։

Այսօր և վաղը կարճատև անձրև և ամպրոպ է սպասվում նաև Երևանի առանձին հատվածներում, ամպրոպի ժամանակ քամու ուժգնացում՝ 15-18 մ/վ արագությամբ։

Ցերեկը մայրաքաղաքում օդի ջերմաստիճանը կտատանվի +32-34, իսկ գիշերը` +16-18 աստիճանի սահմաններում։