ՏԵՍԱՆՅՈՒԹ. Ինչո՞վ էր զբաղված Թրամփը բանակցությունների ընթացքում

ԱՄՆ նախագահ Դոնալդ Թրամփը Ֆլորիդայում մասնակցել է UFC մրցաշարի, այն ժամանակ, երբ ԱՄՆ-ի և Իրանի ներկայացուցիչները բանակցություններ էին վարում Պակիստանում։ Այս մասին տեղեկությունները տարածվել են միջազգային լրատվամիջոցներում։

Միջոցառման ընթացքում Թրամփը նաև շփվել է UFC-ի հայտնի մեկնաբան Ջո Ռոգանի հետ՝ նրան ձեռքով ողջունելով։ Վերջինս նախկինում քննադատել էր նախագահի քաղաքականությունը Իրանի ուղղությամբ, ինչն այս հանդիպմանը հավելյալ ուշադրություն է բերել։

Լրագրողների հետ զրույցում Թրամփը նշել է, որ իրեն «մեծ հաշվով չի հետաքրքրում» բանակցությունների ելքը։ Նրա խոսքով՝ ԱՄՆ-ը կհաղթի ցանկացած սցենարի դեպքում՝ անկախ բանակցությունների արդյունքներից։

Բանակցությունների ընթացքի և բովանդակության վերաբերյալ պաշտոնական մանրամասներ չեն հրապարակվել, և կողմերը դեռևս չեն ներկայացրել վերջնական համաձայնությունների մասին տեղեկություն։