Հարկային գործոնների մեծ մասով Վրաստանն ավելի շահեկան վիճակում է, քան Հայաստանը․ պատգամավոր

ԼՀԿ պատգամավոր Արկադի Խաչատրյանն ուսումնասիրել է բիզնեսի վրա ազդող մոտ մեկ տասնյակ հարկային գործոններ ու եկել է եզրակացության, որ այդ գործոնների մեծ մասով Վրաստանն ավելի շահեկան վիճակում է, քան Հայաստանը։ Այս մասին նա հայտնեց ԱԺ ամբիոնից ու ներկայացրեց որոշ թվային արժեքներ։

Այս ամենի համագումարում պատգամավորն ասաց, որ իրենց առաջարկներն էլ չեն ընդունվել, ու իրենք համարում են, որ Հայաստանին անհրաժեշտ է նոր Հարկային օրենսգիրք։ Խաչատրյանն ասաց, որ ԼՀԿ խմբակցությունը դեմ է քվեարկելու ներկա նախագծին։

Հիշեցնենք, որ մինչ այդ ԲՀԿ խմբակցությունը նույնպես հայտարարել է, որ դեմ է քվեարկելու կառավարության ներկայացրած նախագծին։