Որոշակի թյուրընկալում է առաջացել «Գոլդեն Փելես»-ի շենքի հետ կապված. ԱՆ խոսնակ

ՀՀ առողջապահության նախարարի խոսնակ Ալինա Նիկողոսյանը ֆեյսբուքյան իր էջում հետևյալ գրառումն է արել:

«Որոշակի թյուրընկալում է առաջացել մեկուսարան ծառայող շենքի հետ կապված։

Նշենք, որ մեկուսացված 31 անձինք գտնվում են Ծաղկաձորի նախկին «Գոլդեն փելես» հյուրանոցում, որն առնչություն չունի ներկայիս նույն անվանմամբ ցանցի հետ։

Նախորդ տարվա սեպտեմբերին Ծաղկաձորի «Գոլդեն Փելես» հյուրանոցը որպես նվիրատվություն փոխանցվել էր Հայաստանի Հանրապետությանը և մինչ այս պահը չէր գործում։

Հավելենք, որ շրջապատի համար որևէ վտանգ չկա»,- գրել է նա։