Ողբերգական ավտովթար՝ Արարատի մարզում. 43-ամյա վարորդը մահացել է

Այսօր՝ հունիսի 15-ին, ողբերգական ավտովթար է տեղի ունեցել Արարատի մարզում։ Ժամը 01։40-ի սահմաններում Այգավան գյուղի բնակիչ՝ 43-ամյա Վահագն Սահակյանը իր վարած Opel մակնիշի ավտոմեքենայով Ոսկետափ-Երևան ճանապարհի հատման հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց դեպի աջակողմյան հատված և կողաշրջվել։ 

Ինչպես հայտնում է shamshyan.com-ը, վթարի հետևանքով Վ. Սահակյանը տեղում մահացել է։ Նրա դին ավտոմեքենայից դուրս են բերել Արտակարգ իրավիճակների  նախարարության փրկարար ծառայության Արարատի մարզային փրկարարական վարչության Արարատի հրշեջ-փրկարարական ջոկատից ժամանած հրշեջ-փրկարարները։ Վերջիններս ավտոմեքենան դարձի են բերել, որպեսզի կարողանան մահացածին տեղափոխեն պատգարակի վրա։